香濃朱古力小蛋糕

送走老闆 , 生活回復正常 ,

不過就到朋友仔唔多得閒 , 一個二個都話依期好忙碌 , 冇時間出去玩 ,

冇晒玩伴 , 只好留在家中自家娛樂 !

 

 

< 香濃朱古力小蛋糕 >

 

依排經常整麵包俾少爺早餐 ,

係時候要轉下口味 , 唔係佢又會嘈嘈貢 !

 

好似好耐冇整過朱古力蛋糕 , 朱古力係我同少爺至愛 ,

左摷右摷食譜 , 覺得依個幾吸引 ,

最喜歡佢有朱古力醬 , 睇落好好味 , 就決定一試 !

果真冇令我失望 , 朱古力碎加香濃朱古力醬 ,

實在不能忍口 !