京蔥南瓜煙肉卷

難得少爺歸家食飯 , 我當然樂意煮煮煮 ........

 

根據菜檔亞姐報料 , 每年大約八至十月係南瓜最當造期 ,

每年我都會係依個時間盡情買 , 盡情食 , 滿足自己口慾 ,

可惜我家少爺唔太愛 ,

除咗煲湯 , 做甜品以外 , 差不多所有煮法都被拒絕 ,

要佢食多幾件就要玩下花臣先有望 ! 

 

 

< 京蔥南瓜煙肉卷 >

 

依個煮法過往整過 , 幾得少爺歡心 , 願意多食幾件 , 就照舊再煮一次好了 !

 

做法相當簡單 , 用煙肉卷起已處理好嘅南瓜 , 京蔥 ,

用200度焗爐 , 焗20分鐘 ,

再掃燒汁係煙肉表面 , 稍稍再焗一陣就食得 , 連油鑊都唔駛開 !