韓國蠔豉仔釀蝦球

哇 !!

農曆年將至 ,

大家都好努力煮煮煮 ........ !!

 

近期見大家煮咗好多美食 ,

我啲口水流到不停添 ~~ 嘻嘻 !!

 

我依隻懶鬼 , 咩到未做 ,

辦年貨 , 大掃除 , 通通都冇 ,

呵呵呵 ....... 快俾人打囉 !!

 

 

 

< 韓國蠔豉仔釀蝦球 >

 

但係 ....

懶歸懶 , 有人賞面的話家常便飯一定有 ,

其實都係隨意創作 !

 

預祝大家新一年 ,

 

生活愉快

 

身體健康

 

一切順心

 

笑口常開

 

金腿桂花炒素翅

原來已經差不多一個月冇出現過 ,

差啲連字都忘記點打添 !

 

大家安好嗎 ? 仲記得金魚嗎 ?

唔記得冇相干 , 最緊要大家一切安好 !

 

開飯 ~~~

 

 

< 金腿桂花炒素翅 >

 

一向主張在家食要健康 , 今餐都唔例外 ,

雖然唔話得十分健康 ,

不過 ,

對於喜愛食肉嘅家人已經相當唔錯 ,

唔知你哋喜歡唔喜歡嘞 !!



藍芝士黑麥方包

天寒地凍 , 落雨濕濕 , 戶外活動要暫停 ,

不過室內活動一樣可以繼續 !

 

喺屋企一樣可以好開心 ,

煲下劇 , 上上網 , 搓下包包 ,

談何容易又一日 , 自得其樂亦不賴 , 人生就是這樣 !

 

 

< 藍芝士黑麥方包 >

 

近期喜歡加入藍芝士製作鹹麵包 ,

有人唔太喜歡佢氣味強烈 ,

而我就唔多介意 , 反而仲越黎越鍾愛 !

 

大大包黑麥粉快將到期 , 係時候要快快消滅 ,

加入藍芝士 , 酸忌廉簡單做上方包 ,

未出爐已聞到陣陣藍芝士香氣 ,

唔愛藍芝士嘅鄰居可能會覺得難頂 ,

我就覺得好香嘞 , 希望不至令人倒胃 !

 

混醬日本蕃薯炆雞翼

冬日至愛食材之一 .....

~ 蕃薯 ~

愛佢可口 , 愛佢飽肚 , 愛佢甜美 , 愛佢暖胃 ,

種種種種 .........

 

 

< 混醬日本蕃薯炆雞翼 >

 

由其日本蕃薯更愛 , 比本地蕃薯更甜美 ,

今餐隨意混醬 ,

做上自家喜愛菜式 !

 

 

 

日式咖喱牛筋腩

原來有成半個月冇更新網誌 , 

依排唔係忙 , 亦唔係冇煮嘢食 ,

只係懶根太深又貪玩 , 提唔起勁啫 !

 

 

< 日式咖喱牛筋腩 >

 

天氣一日凍過一日 ,

我就最鍾意依啲天氣食辣嘢 , 越辣我就越喜歡 ,

可惜我家少爺唔太食得辣 ,

只好退而求其次 , 選用唔辣嘅日式咖喱炆牛腩 ,

帶甜嘅日式咖喱此終唔係我杯茶 , 我另外加咗碟辣油 ,

不過啲汁都幾香咖喱味 !

  

牛油果烤雞墨西哥卷

好多時為咗等少爺歸家一起開餐 ,

往往晚餐變成宵夜 , 正因為依個原因 ,

晚餐變得越黎越簡單不過 , 昨晚亦唔例外 !

 

 

< 牛油果烤雞墨西哥卷  >

 

喜歡墨西哥薄餅 , 貪佢方便 , 鍾意佢卷咩材料都得 ,

預先焗好雞扒 , 加牛油果 , 蕃茄 , 生菜 , 唧少許沙律醬 ,

話咁易就完成我同少爺嘅晚餐 !

鮮茄青口薯仔粉

我家附近一帶食店已經買少見少 ,

好多時自己一個人食飯都係食燒臘飯 ,

又或者煮個即食麵草草了事算數 ,

有時食得太多難免有啲厭 ,

都係時候要同自己轉轉餐單 !

 

 

< 鮮茄青口薯仔粉 >

 

既然糧倉有整存貨 ,

就等我動動手為自己晚餐增添一份色彩 !

 

其實用嘅材料非常簡單 ,

現成薯仔粉 , 蕃茄 , 玉豆 , 青口 , 洋蔥 , 少許芫荽 , 簡單嘅調味料 ,

出黎效果已令我樂上好一陣子 !

 

經常聽到某啲廚師講 ,

一餐飯要令人食得開懷 , 食材嘅取決 , 食物顏色配襯係好重要 ,

我當然唔係專業廚師 , 亦冇專業水準 ,

不過見到依碟繽紛嘅薯仔粉 , 我未食已經感覺開心晒 !